Og jæja

Hvað erum allir hættir að blogga???

Wed, 19 May 2010 23:26:03 GMT

Já já ég held það ég hef alla vega ekki blogg að í rúmlega heilt ár enda hef ég venjulegast ekkert að segja og ekki heldur núna er reyndar að bíða eftir því að ein rolla og einn gemlingur beri lömbum sínum svo ég geti hallað mér í smá stun:lol:
Sem sagt sauðburður í sveitinni, nú og svo fer að koma að gróðursetningu plantna hér á bæ, áætlað er að setja niður um 15.000 stk þetta árið;)
já svo og svo

Rúnar Þór endaði í þriðja sæti!!!

Sat, 09 May 2009 17:23:00 GMT

Mig langar bara að deila því með ykkur að hann Rúnar bróðir var að lenda í
þriðja sæti í MATREIÐSLUMAÐUR ÍSLANDS 2009!
Hann er bara snillingur ;)

Til hamingju með þetta Rúnar minn!:lol:

Halló og hæ!!

Wed, 06 May 2009 11:50:07 GMT

Hvernig er það, hef ég ekkert sett inn færslu hér í 2 mánuði, ætli ég hafi virkilega haft svona mikið að gera;)

Ekki þannig, bara þetta venjulega læra, vera bóndi, húsmóðir og þið vitið hvað. En núna er samt skólinn hjá mér búin, kláraði hann í gær með því að skreppa í Egilsstaði og borða allskonar kruðerí með samnemum mínum og kennurum, nei nei ég var ekki að útskrifast, það var bara verið að slútta önninni!;)

En hvað er fram undan? Reyndar alveg hellingur, sauðburður eftir rúma viku, ættarmót fyrir vestan í júni, sömu helgi og það er þá eru sumarbúðirnar hjá Stefaníu í Löngumýri í Skagafirði, en það eru sumarbúðir fyrir sykursjúk börn sem hún vill skiljanlega ekki missa af;)

Svo er búið að bjóða okkur í tvö brúðkaup í sumar:p
Annað þeirra er að vísu sömu helgi og ættarmótið og sumarbúðirnar
En hitt er í júlí og er það engin önnur er Stebba mín og Birkir hennar sem ætla að láta pússa sig saman þá8)
Bara gleði gleði!!

Það kom upp sú hugmynd hjá einum af skipuleggjendum Kátra daga sem er skemmtun sem haldin hefur verið hér á Þórshöfn í nokkur sumur í röð að athuga hvort ekki sé möguleiki á því að brúðhjónin Stebba og Birkir komi til Þórshafnar með gestina sína þar sem kom í ljós að trúlega yrði ekki hægt að nota okkar Reimar til neins þessa helgi þar sem við yrðum trúlega við Brúðkaup í RvkJ
Já svo spurningin er hvernig þessi hugmynd kemur við ykkur elskurnar??

En núna í augnablikinu þá erum við Unnur Vilborg hér heima, frekar latar en þó reynum við að gera eitthvað á milli þess sem við gerum ekki neitt, en Unnur mín er hætt á leikskóla, já skvísan er orðin 6 ára og byrjar í skóla í haust, það er nú eins og hún hafi komið í heiminn í gær, en nei miðað við hæð og getu þá held ég að ég verði að trúa því að hún sé orðin þetta gömul!!!

Já og svo er hún Stefanía mín að verða 9 ára núna eftir nákvæmlega viku. Og á afmælisdaginn ætlum við að bruna til Akureyrar í reglulegt tékk hjá lækninum hennar og reyndar þarf Helga líka að fara til læknis í leiðinni því hún er sennilega kviðslitin, og vona nú reyndar að ef svo er að það þurfi ekki að skera hana strax, því sauðburðurinn er að byrja þarna tveimur dögum seinna, en það bjargast auðvitað ef svo fer ;)

Jæja best að fara að klára að ganga frá vörunum sem verslaðar voru í Bónus á Egilsstöðum í gær, held hreinlega að það hafi þurft að kalla út auka mannskap við að fylla í hillurnar eftir að við komum þar við!!!

Knús og kossar

Dagrún8)

Vetur á Íslandi??

Wed, 11 Mar 2009 12:19:18 GMT

Jæja í dag er leiðindar veður og frúin situr föst heima sökum færðar og verður því að skrópa í skólanum í dagL En það sleppur til enda er ég fluggáfuð!!!!

Af internet tengingu er það að frétta að nú eiga allir sveitalubbar á landinu að fara að hafa almennilega nettengingu og þá hljótum við að vera undir þeim hatti!! Eða ofan á:p

En þeir segja okkur núna að við fáum tengingu á næstu 12 mánuðum, en miðað við hvernig gengið hefur hingað til þá verður það örugglega ekki fyrr en eftir 15 mánuði eða lengri tíma! Svartsýn ? já hvernig er annað hægt, sennilega verður fjarskiptastofnun farin á hausinn þegar að þessu kemur eins og annað á þessu yndislega Íslandi!!!

En búskapurinn gengur vel og við erum búin að taka inn 3 hesta sem frúin fóðrar ásamt rollunum og hænunum8)

Styttist í sauðburð en það eru bara 2 mánuðir þangað til!

Já og mig vantar svona ömmu til að hræra í pottum og passa pottorma á meðan mest er að gera svo áhugasamir vinsamlegast hafið sambandi við kindahestahænuhirðirinn:lol:

og þá bara í gegnum síma eða með bréfdúfu, þær eru reglulega á ferðinni hér um slóðir!!:lol:

En annars er ég að hugsa um að fara í framboð því ég er ekki verr til þess fallinn en aðrir sem láta sér detta slíka vittleysu í hug! Ég fengi alltaf 1 atkvæði þar sem eiginmaður min yrði tilneyddur til að kjósa frúsu sínaJ

Jæja er að fara að gera verkefni, verður maður ekki að sitja heima og læra þegar maður kemst ekki í skólann?

Bestu kveðjur

SVEITALUBBINN LUFSULÍNA;)

Blogg hvað er það!

Fri, 06 Mar 2009 14:14:01 GMT

Vá það er eins og ég hafi hreinlega gleymt þessari síðu:$
En í sveitinni gengur lífið sinn vana gang, nóg að gera eins og vanalega og núna er farið að styttast í að Unnur mín Vilborg verði 6 ára, hugsa sér hvað tíminn líður hratt, já og á sama tíma er Stefanía mín búin að vera með sykursýki í 6 ár!
Allar þessar stelpur sem ég á eru mjög svo virkar og duglegar eins og mamma sín:lol:
Þið vitið hvað það merkir;)

En ég er ekkert sérlega mikið í bloggstuði þannig ég set bara inn hérna þessa ágætu brandara sem frænka mín sendi mér í vikunni:lol:

Og þá fór allt í bál og brand!!!!

Við konan mín lágum uppi í rúmi og horfðum á Villtu vinna milljón.
Ég snéri mér að henna og sagði, “ Villtu gera do do ? “
Hún svaraði, “ Nei”
Ég spurði, “ Er þetta þitt lokasvar” ?
Hún leit ekki einu sinni á mig er hún svaraði “ Já”
Ég sagði, “Þá langar mig að hringja í vinkonu”

og þá fór allt í bál og brand….

............................................................................

Ég spurði konuna mina, “ Hvert langar þig að fara á brúðkaupsafmælinu okkar” ?
Mér hlýnaði um hjartarætur að sjá hvernig hún lifnaði öll við og horfði á mig
með aðdáun er hún svaraði,
“Einhvert sem ég hefi ekki farið lengi “
Með það í huga kom ég með uppástungu,
” Hvað með eldhúsið “ ?

Og þá fór allt í bál og brand….

............................................................................

Síaðsta laugardag vaknaði ég snemma. Ég klæddi mig hljóðlega, útbjó nesti, kallaði í hundinn og læddist út í bílskúr. Ég húkkaði bátinn aftan í bílinn, opnaði bílskúrshurðina og var kominn hálfur út þegar ég sá að úti var brjálað rok og rigning. Ég bakkaði aftur inn í skúrinn og kveikti á útvarpinu, aðeins til að uppgötva að svona átti veðrið að vera alla helgina. Ég fór því aftur inn, klæddi mig hljóðlega úr og læddi mé upp í rúm. Ég kúrði mig upp við konuna mína. Ákveðinn í að fá mér gott í kroppinn hvíslaði ég að henna, “ Það er brjálað veður úti”. Elskuleg konan mín til 10 ára svaraði strax,” Hugsaðu þér hvað maðurinn minn er heimskur að vera úti að veiða í þessu veðri”
Og þá fór allt í bál og brand…..
...........................................................................
Ég bauð konunni minni með í helgarferð til Boston um daginn og þar fórum við á fínt veitingarhús. Einhverra hluta vegan tók þjónninn fyrst pöntunina mín. Ég sagði, og var heldur rogginn með enskuna mina,
"I'll have the strip steak, medium rare, please."
He said, "Aren't you worried about the mad cow?""
Ég svaraði “ Nah, she can order for herself."

Og þá fór allt í bál og brand….
...........................................................................

Við konan mín forum á árgangsmót í gamla skólanum míum. Þar sem við sátum tók konan mín eftir að ég horfði á konu á næsta borði. Kona þessi var vel drukkin og þambaði ótæpilega og röflaði við sjálfa sig milli glasa.
“Þekkir þú þessa konu” spurði konan mín.
“Já sagði ég, þetta er gömul kærasta og ég heyrði að hún hefði ferið að drekka svona eftir að ég sagði henni upp þarna um árið”.
Konan mín leit á hana í forundran og sagði,” hver hefði trúað því að hægt væri að hafa svona ómerkilegan atburð að fagnaðarefni í öll þessi ár”.
Og þá fór allt í bál og brand….
…………………………………………………………………………………………

Um daginn varð ég 67 ára og hætti þá að vinna. Ég fór til að ganga frá öllu í sambandi við ellilífeyrinn minn. Konan á skrifstofuni bað um að sjá ökuskírteynið mitt til að staðfesta aldurinn og þá uppgötvaði ég að veskið mitt hafði orðið eftir heima. Konan sagði að þetta væri í lagi, bað mig að hneppa frá þremur efstu tölunum á skyrtunni minn. Ég gerði það og er hún sá silfurgráa englahárið á bringunni á mér sagði hún að þetta væri nóg staðfesting fyrir hana.
Þegar heim kom sagði ég konunni minni frá þessu. Hún varð hálf örg. “ Bölvaður endemis asni ertu maður, þú hefðir átt að láta buxurnar falla líka . Ég er viss um að þá hefðir þú fengið örorkubætur út á þennan ræfil þarna niðri”.
Og þá fór allt í bál og brand….
............................................................................

Nokkuð gott ekki satt??

Þangað til andinn kemur yfir mig að blogga þá hafið það gott ;)

Febrúar

Tue, 03 Feb 2009 11:43:09 GMT

;)
Jæja Reimar minn átti afmæli í gær. Og svo áttum við hjónin líka 7 ára brúðkaupsafmæli!
Skrítið það því mér finnst við hafa verið að kynnast í gær, en það er víst aðeins lengra síðann, sem sést best á stelpuskaranum okkar og sú elsta sem við eigum saman að verða 9 ára.
Aníta fer nú reyndar að verða 16 ára skvísan;)

Jæja langaði bara að koma því að að Reimsi minn væri orðinn árinu eldri:lol:

kveðja Dagrún

Janúarlok

Wed, 28 Jan 2009 20:10:14 GMT

Jæja skólinn er kominn á fullt!

Ég vann í lottó um daginn heilar 25 þúsund krónur, hvað finnst ykkur að ég ætti að nota þá peninga í annað en að borga kreppuvexti??

Bóndadagurinn er búinn og frúin náði að hafa sig á fætur 6.30 til að hafa til morgunmat handa manni sínum í rúmið?

Svo fékk þessi elska konfekt frá sinni heitt elskuðu þegar hann var búin að vinna!

Sniðugt að gefa konfekt því þá er öruggt að maður geti notið þess líkaJ

Unnur Vilborg er byrjuð á sundnámskeiði og reyndar fóru Helga líka í fyrsta tímann en ég held að hún litla snúllan sé ekki alveg nógu stór til að vera með svona stórum krökkum í sundi þegar mamma hennar eða pabbi eru ekki líka því fyrsti sundtíminn byrjaði ekki vel því mamma hennar (eða ég ) þurfti að hlaupa út í laugina og nánast bjarga barninu frá drukknun þegar aðeins um 10-15 mínútur voru búnar af tímanumJ

En það fór allt saman vel.

Stefanía mín er svo farin að æfa fimleika, haldið þið að hún komist í flikk flakk eins og mamma hennar, hún gæti alla vega átt það til að fara í splitt eins og mamma hennar gerði í nýja fína pilsinu sínu um áriðJ

Annars er allt hið venjulegasta hjá okkur sveitafólkinu, frúin er að reyna að grípa í að mála veggi og loft í húsinu svo húsbóndinn geti farið að halda áfram að parketleggja gólfin;)

Reimar er á fullu í þorrablótsnefnd, og er stefnt á að blóta þorra á Bakkafirði 7. febrúar.

Allir skemmtilegir velkomnir!

Þangað til næst þá verið dugleg að elska hvort annað.

Hvað er að ske?

Tue, 13 Jan 2009 22:27:07 GMT

Jæja jæja

Gleðilegt nýtt ár!

Áttum ágætis jól og áramót hér í sveitinni góðu, unnum mikið við að moka og skara skít, en þó ekki á aðfangadag, og jóladag en sennilega á annan man það ekki alveg.
Nú og svo hófst gamanið hjá hrútunum á þorláksmessu, já þeir fengu að fara til kvennþjóðarinnar og gera gottJ

Við borðuðum ekki á okkur gat, því við erum svo ÞROSKUÐ að við erum vaxinn upp úr þeirri vitleysu!!!!

Aníta okkar var hjá okkur um jólin og áramótin, fór svo heim til sín í 3 daga í byrjun ársins og ákvað svo að koma bara til okkar og klára 10. bekkinn á ÞórshöfnJ

Kerlingin gerði sér lítið fyrir og skrapp til Akureyrar á fimmtudaginn síðasta og sótti hana, og verslaði bílinn stútfullan í bónus og keyrði svo strax aftur heim ! Þó verðið þar hafi hækkað mikið þá er ennþá hagstætt að hreinlega gera sér ferð til að versla!

Skólinn er byrjaður aftur og núna er ég hreinlega að verða geðveik á þessu fjárans netleysi hérna í sveit, en ég verð að halda ró minni svo ég þurfi ekki að taka margar bleikar töflur á dagJ Ekki satt?

Erum með tveggja mánaða hvolp sem hvarf hérna einn daginn, hún Týra sem sagt hún elti eldri hundinn á bænum þegar hann ákvað að stinga af einn daginn, en auðvitað stakk sá stóri hana af og hún greyið var að heiman í rúma 2 sólahringa, en var svo bara fyrir utan útidyrahurðina einn morguninn þegar við vöknuðum og auðvitað var mikil gleði á bænum þegar hún kom heimJ

Sit hérna við tölvuna núna að bulla þetta hér inn á meðan Aníta fiktar í hárinu á mér og ég held ég sofni því mér finnst það svo gott!

En núna er nóg bull komið í bili en munið að láta kreppuna ekki ná tökum á ykkur!

Blu og bless Dæta

Jólin eru að koma!

Mon, 22 Dec 2008 13:35:35 GMT

;)
Nú eru þau bara að skella á blessuð jólin:p
Nú og þá er bara að vera glaður og gleðjast yfir því sem maður er búin að gera en ekki að vera leiður yfir því sem maður á eftir að gera....
Þetta er að minnsta kosti mottóið mitt fyrir þessi jólin;)

Það gengur reyndar misvel að muna mottóið en ég þarf að hugsa um það reglulega til að muna það:lol:

Get nú ekki verið að kvarta neitt, Reimar minn er búin að leggja parketið á stofuna, holið og tölvuherbergið og þvílíkur munur, ég segi nú ekki annað:p
Og þá er bara eftir 5 herbergi og 1 gangur, hvað er það á milli vina;)

Get ekki annað en verið sátt við prófin sem ég tók því ég fékk 10 fyrir þau bæði:o, en þetta voru skemmtileg fög, ég held að það hafi mikið að segja þegar vel gengur!

Mér tókst að baka ekkert gríðarlega mikið fyrir jólin bakaði bara litlar uppskriftir af þeim tegundum sem ég gerði, endaði í 9 sortum held ég og þar af eru 2 sykurlausar:| Og svo gerði ég 3 lagtertur:d

Jæja best að halda áfram að gera fínt og setja á síðustu lagtertuna.

En elsku vinir mínir, ykkur óska ég gleðilegra jóla og farsældar á nýju ári, og vona að þið njótið þess að vera til og verðið góð hvort við annað;)

Jólakveðja Dagrún sveitavargur:lol:

Prófalestur og jóla jóla

Thu, 04 Dec 2008 12:15:01 GMT

Jæja er ennþá að hlæja eftir síðustu færslu þar sem viðbrögðin við henni voru meira utan netheimsins en á sjálfu netinu:$
Það var til dæmis hringt í mig frá Noregi til að óska mér til hamingju, mér var auðvitað brugðið, en það var óstjórnlega fyndið, og ég bað manneskjuna um að klára að lesa færsluna:p

Okey ég skal ekki hrekkja ykkur svona aftur, næst þegar ég tilkynni þungun verður það í alvöru! Þ.e.a.s. ef það kemur til með að gerst aftur, maður á víst aldrei að segja aldrei.....

En þessa stundina er ég að taka mér smá frí frá prófalestri, en ég er að fara í próf í næstu viku.
Gaman að segja frá því að ég þurfti að skila 2 ritgerðum, annari í lyfjafræði og svo í heilbrigðisfræði... Þær koma til með að gilda hvor um sig 40% af lokaeinkunn, og ég fékk 9,5 í heilbrigðisfræði og 9,9 í lyfjafræði ( var nú að skrifa um sykursýki þar, þannig ég vissi nákvæmlega hvað ég var að gera) En ég held að ég hafi aldrei fengið svona háa einkun fyrir ritgerð;)

Nú svo fara jólin alveg að koma og ég er þannig lagað séð ekkert að stressa mig á því, bakaði 3 sortir af smákökum með krökkunum í síðustu viku þegar það viðraði ekki til skóla og leikskóla ferða:)
Er farin að skrifa jólakortin og er að verða handlama á því þar sem við þekkjum svo marga sem við sendum kort, en munið endilega þið sem viljið senda mér kort að ég er flutt ( Fell 685 Bakkafjörður).
Nú og svo þar sem hænurnar verpa svo ágætlega þá er ég búin að gera jólaísinn, það þarf nú slatta af eggjum og rjóma í hann;) NAMMI NAMM

Svo erum við að æfa fyrir aðventu messu í kórnum og prestinum datt í hug hvort ég myndi ekki vilja syngja eins og eitt lag svona bara ég, veit nú ekki hvort af því verður en kannski væri það bara gaman:s Það er alltaf eitthvað svo stressandi að syngja einsöng:s

Jæja best að fara að læra meira og gera eitthvað af viti, það fer nú ágætur tími í að henda inn bloggfærslu þar sem ég er svo lengi að opna síðuna þar sem þessi yndislega tenging sem ég hef er nú ekki uppá marga fiska:$

Þar til næst verið góð hvort við annað og njótið aðventunnar!

Akureyrarferð!!!

Sun, 23 Nov 2008 22:04:40 GMT

Erum á Akureyri í verlsunarferð, já svona jóla jóla eitthvað:lol:
erum búin að versla okkur 100 fermetra af pareketi og öllu sem því fylgir...
Ætla ekki að tala um hvað það kostaði því þá fer mig að svíða í peningaæðina mína:s

Svo ákvað níska konan að splæsa í Eikarborð og stóla í stóra eldhúsið sitt sem ég er nýbúin að mála:p Geggjað ánægð með mig:lol:

Gaman að segja frá því að við eigum von á barni númer 4 í apríl á næsta ári:lol:
Kannski núna sé strákurinn á leiðinni...

Höfum ekki verið mikið að heimsækja fólk í þessari ferð þar sem við höfum bara haft svo mikið að gera, en einhvern veginn verður það alltaf þannig að maður mætir þar sem manni er boðið í mat svo ef þið viljið fá okkur í heimsókn þá verið þið bara að bjóða okkur í mat;)

Á morgun á svo að fara heim, en fyrst förum við með Stefaníu í langtíma blóðusykur mælingu. svo klárum við að versla og förum svo heim að slappa af........
eða í prófalestur, kökubakstur, jólaskreytingar, pareketlagningu, uppsetningu gluggatjalda....
kannski við bíðum bara með að slappa af þar til um eða eftir jólin;);)

Ég ætla ekki að baka 12 sortir af smákökum :$ ætla að reyna að fara ekki upp fyrir 8, mér hlýtur að takast það, spurning hvort ég baki þá ekki meira af lagtertum og rúllutertum í staðinn;)
Get ekki að því gert að ég bara get ekki hætt þegar ég byrja en ég held í alvöru að ég baki ekki mjög mikið fyrir þessi jól:|

Vona að þið hafið ekki fengið taugaáfall þegar ég sagði ykkur frá því fjórða því það var auðvitað bara djók, til að hreyfa aðeins við ykkur..... ha ha núna hlakkar alveg í mér, veit ekki hvernig mér datt þessi vitleysa í hug:p

Fimmtudagur 6. nóvember

Thu, 06 Nov 2008 09:40:06 GMT

Jæja sit hérna við fartölvuna mína á Þórshöfn, sem sagt í netsambandi, er að passa lítinn sætan gutta fyrir vinkonu mína og ákvað að hendast hér aðeins inn;)

Er að pirra mig á því að hér á Þórshöfn virðast vera haldin diskótek fyrir yngstu krakkana helst á þriggja vikna fresti sem mér hreinlega finnst of mikið, sérstaklega þar sem ekki er farið á svona samkomu nema helst til að borða nammi og það mikið af því:s Ekki beinlínis gott fyrir hana Níu mína en henni finnst þetta auðvitað frábært að græða endalausa auka nammidaga:$

Okey veit að maður á að vera þakklátur fyrir að eitthvað sé í boði fyrir börnin, en má þá ekki gera líka eitthvað annað sem kallar ekki á sykurát??? ég bara spyr....

Tæknileg vandamál er greinilega eitthvað sem ég kalla yfir mig, átti að vera í skólanum í gær en fjarfundabúnaðurinn sem ég nota var ekki að virka eða eitthvað tæknilegt vesen var alla vega á honum og ég send heim eins og óþekk stelpa í grunnskóla:o

Er ég ekki örugglega bara að ruglast eitthvað eða er vikilega kominn 6. nóvember? Sem þýðir einfaldlega að það fara alveg að koma jól:$
Jólin eru gleðilegur tími ég veit það en það er bara svo stutt síðan þau voru síðast, eða mér finnst það allavega!!

Ég er sennilega vön að vera byrjuð að baka fyrir jólin, en núna er ég í afneitun og steikti því bara glás af kleinum í gærmorgun en bakaði eingar piparkökur eða spesíur!!

En bara gleði framundan því hún Eydís mín Volare kemur með flugi í fyrramálið, sem þýðir að maður kemur til með að láta eins og asni alla helgina, sem er nú reyndar ekkert nýtt, en við ætlum að skemmta konum hér austan heiða með nærveru okkar og Volare fíling á konukvöldum um helgina:)
Þannig nú skellið þið ykkur upp í bíl eða flugvél ef þið ætlið ekki að missa af þessari gleði:lol::p

Hvaða hvaða??

Tue, 04 Nov 2008 09:26:39 GMT

Hér verður ekki stiklað á stóru um efnahagskreppuna sem ríður yfir Ísland með látum því það veldur mér bara gremju og pirringi J

Hversu líklegt er það að ég móðir sykursjúkrar stúlku sitji við tölvuna mína, skrifandi ritgerð um insúlínháða sykursýki í góðu yfirlæti einn góðan veðurdag að, ég heyri sms hljóð í símanum mínum, og þar sé skilaboð frá einni af mínum bestu vinkonum sem spyrja mig, getur verið að þetta séu einkenni sykursýki og svo kom upptalning, drekk mikið, og pissa því mikið, sjóntruflanir, þreyta ...... og svo framveigis....

Ég helt að líkurnar væru ekki neinar, en því miður var staðreyndin önnur.

Ég gerðist harðstjóri og rak þessa vinkonu mína á heilsugæslustöðina og sagði þú verður að láta mæla hjá þér blóðsykurinn eða finna út hvað annað getur verið að pirra þig og auðvitað vonaði ég allan tímann að þetta væri eitthvað annað og minna en það var því miður ekki raunin.

En málið er að ég er viss um að þessi ágæta manneskja hefur hugsað það sama og ég gerði fyrir 5 árum þegar Stefanía mín greindist og það er ÉG ER SENNILEGA BETUR TIL ÞESS FALLINN EN EINHVER ANNAN AÐ "DÍLA" VIÐ ÞETTA ÞESS VEGNA LENNTI ÉG Í ÞESSU!!! alla vega er hún bara snillingur, og gott að geta aðeins leiðbeint varðandi þetta;)

En að öðru þar sem ég er nú byrjuð, ég er að skólast á fullu, og gengur það bara vel, er ennþá að bíða eftir almennilegu netsambandi hérna og veit ekkert hvenær von er á því, en ég er þolinmóð:^)
Börnin mín eru þokkalega ánægð með að vera aftur kominn í sveitina, og ég bara held að ég sé að "fíla" þetta líka:lol:
Þær fara á Þórshöfn í skóla og leikskóla og hitta því fullt af börnun daglega!!
Reimar minn er hreint alltaf að vinna, og ef hann er ekki í launuðu vinnunni sinni er hann bara að vinna hérna heima;) DUGLEGUR ÞESSI ELSKA

En þegar allir fara héðan út á morgnanna þá er ég ein eftir í kotinu! Þá arkar frúin á bænum í fjárhúsin og gefur ásetningsgimbrunum sem að þessu sinni eru 62, sem er nú bara nokkuð gott að mínu mati þar sem bústofninn var ekki nema 51 kind síðastliðinn vetur. En verður um 160 kindur í vetur :d8)
Nú og svo fer ég og kveiki upp í reykkofanum þar sem við hjónin erum að taðreykja, já gott að fá hangikjöt og léttreykt lamb um jólin, þetta er bara partur af kjötvinnslunni hér á haustin, erum búin að úrbeina og hakka nokkrar rollur, gera kjötfars en eigum ennþá eftir að gera sjálft slátrið:s en það fer nú alveg að koma að því!!
Nú svo þarf maður að læra og læra og gera ritgerð og aðra ritgerð þannig það er nú yfirleitt nóg að gera.

Um næstu helgi ætlum við Volare konur svo að vera með konukvöld bæði á Vopnafirði og Þórshöfn þannig það verður bara gaman þá og nóg að gera:lol:

Nú og svo vorum við hjónin á hinum svokallaða Smalabita um síðustu helgi og var það bara þónokkuð gaman mikið dansað, drukkið og sungið, allavega af frúnni, förum ekki nánar út í það:$

en er að hugsa um að láta þetta rugl í mér duga í bili:o

Hnévandamál eða hvað???

Fri, 26 Sep 2008 20:32:34 GMT

Jæja var að koma úr hnéspeiglun númer sennilega 8 á lífsleiðinni:s
Sennilega ekki fóthraustasta kona í heimi en hvað um það er sem sagt í Reykjavík hjá elsku Ólöfu systur minni sem stjanar þvílíkt við mig þar sem ég er búin að vera hálf meðvitunduarlaus í dag eftir þessa svæfingu í dag:$ Tvívegis búin að falla næstum í yfirlið og tvívegis farið að blæða úr hnénu og í fyrra skiptið þá var ég enn á skurðstofunni, þetta var eins og í bíómynd það hreinlega fossaði blóð út úr buxunum hjá mér og niður úr þeim:$
Ok nóg komið af þessum geðslegu sögu!
Annars er bara ágætt að frétta Reimar minn heima með Helgu og Stefaníu en Unnur mín er á Akureyri hjá henni Diddu mágkonu minni:)
Planið er að fara til Akureyrar á sunnudaginn með flugi, vona að ég verði fljót að hressast því eins og staðan er núna þá get ég ekki stigið í fótinn þó læknirinn hafi sagt mér áður en aðgerðin var gerð að ég ætti að geta gengið út frá honum:$
Jæja ætla að hætta að bulla þetta í ykkur en varð bara að henda inn færslu þar sem ég netlausa konan komst í tölvu!!!!!!

Er ég lifandi?

Sat, 13 Sep 2008 00:23:18 GMT

Já ég held það bara að ég sé lifandi en guð minn góður hvað það er langt síðan ég hef bloggað:s
Enn ekki komið netsamband í sveitina en það er í vinnslu:lol:
Er stödd á Akureyri og ákvað að henda því hér inn ég er á lífi, og kem til með að blogga eins og brjálæðingur um leið og netsambandið dettur inn. Læt þetta því duga í bili.......